गांव गांव में बाजत हे,
मोहरी अऊ बाजा |
सूट बूट में सजे हे
आज दूल्हा राजा |
मन ह पुलकत हाबे
जाबोन बरात |
अब्बड़ मजा आही
खाबोन लड्डू अऊ भात |
बरतिया के रहिथे
टेस अड़बड़ भारी |
पीये हे दारु
अऊ देवत हे गारी |
कूद कूद के बजनिया मन
बाजा बजावत हे |
ओले ओले के धुन मे
टूरा मन नाचत हे |
घाम के मारे सब
बेंदरा कस ललियावत हे |
एती वोती देख के
आंखी मटकावत हे |
पहिने हे चशमा अऊ
बांधे हे सांफी |
रहि रहि के पियत हे
बराती मन पानी |
गांव गांव में बाजत हे
मोहरी अऊ बाजा |
सूट बूट में सजे हे
आज दूल्हा राजा |
—————-
रचनाकार
महेन्द्र देवांगन “माटी”
मूल निवास-बोरसी (राजिम)
मो. 8602407353
Related posts
छत्तीसगढ़ के बासी: टिकेंद्र टिकरिहा
अइसे हाबय छत्तीसगढ़ के गुद गुद बासी जइसे नवा बहुरिया के मुच-मुच हांसी मया पोहाये येकर...पहुना: ग.सी. पल्लीवार
पहुना आगे, पहुना आगे अब्बड़ लरा जरा हो देखत होहू उनखर मन के टुकना मोटरी मोटरा...बसंत पंचमी: नित्यानंद पाण्डेय
आ गय बसंत पंचमी, तोर मन बड़ाई कोन करे द्वापरजुग के कुरक्षेत्र होईस एक महाभारत कौरव...
2 Thoughts to “कविता: बराती”
Comments are closed.
बरात के बने बरनन करे हव् माटी जी…बधाई हो
धन्यवाद भैयाजी कविता ल पसंद करेव