भिलाई म छत्तीसगढ़ राजभाषा आयोग के कार्यक्रम म मुख्यमंत्री डाॅ.रमन सिंह ह छत्तीसगढ़ राजभाषा आयोग के वेबसाईट के उदघाटन करिन. येमा छत्तीसगढ़ी भाषा के सम्माननीय साहित्यकार मन के नाम संग, राजभाषा विधेयक, फोटू, समाचार पत्र, माईकोठी योजना, बिजहा कार्यक्रम, छत्तीसगढ़ी पकवान के सुघ्घर जानकारी हावय. येमा छत्तीसगढ़ी शब्दकोस के पाना घलो हावय फेर अभी येमा जानकारी नइ ये, येखर अगोरा हावय.
संचार साधन के होवत बिकास ला देखत हमला ये वेबसाईट के बड़ उछाह ले सुवागत करना चाही, राजभाषा आयोग ला ये सुघ्घर काम बर गुरतुर गोठ परिवार डहर ले कोरी कोरी बधई.