बलरामपुर : उत्कृष्ट निजी विद्यालय मन मं प्रवेश बर परीक्षा 19 मार्च को

बलरामपुर। बलरामपुर-रामानुजगंज जिला मं जवाहर आदिम जाति/अनुसूचित जाति उत्कर्ष योजना के अन्तर्गत अनुसूचित जनजाति अउ अनुसूचित जाति के विद्यार्थि मन बर शैक्षणिक साल 2017-18 मं कक्षा 6वीं अउ 9वीं मं राज्य के उत्कृष्ट निजी विद्यालय मन मं प्रवेश बर 19 मार्च 2017 के भिनसरहा 10 ले 12.30 बजे तक लिखित परीक्षा के आयोजन करे जाही। परीक्षा मं सम्मिलित होए बर इच्छुक छात्र अउ ऊंखर अभिभावक संबंधित शाला म प्राचार्य/प्रधानपाठक तीर निरधारित प्रपत्र मं 19 फरवरी 2017 तक आवेदन भर करके जमा कर सकत हें। प्राचार्य/प्रधानपाठक संबंधित विकासखण्ड शिक्षा अधिकारी मन कार्यालय मं छात्र मन के भरे आवेदन पत्र 25 फरवरी 2017 तक जमा कर सकत हें। आवेदक ल कक्षा 6वीं मं प्रवेश खातिर 5वीं मं 80 प्रतिशत अउ कक्षा 9वीं मं प्रवेश खातिर 80 प्रतिशत ले जादा म उर्त्तीण होना अनिवार्य होही। विद्यार्थी के पालक आयकर दाता ना हो, ग्रामीण क्षेत्र, जनपद क्षेत्र, नगर पंचायत क्षेत्र मं रहई संबंधि प्रमाण पत्र अउ सक्षम अधिकारी ले जारी स्थायी जाति प्रमाण पत्र आवेदन के संग जमा करना अनिवार्य होही।