भुईया दाई करत हे गोहार
भुईया दाई करत हे गोहार
छोड़ के झन जा भैईया शहर के द्वार
ये नदिया-नरवा, ये रूखराई
तोला पुकारत हे मोर भाई
चिरई-चिरबुन मया के बोली बोलत हे
तुरह जवई जा देख जिहाँ खऊलत हे
गाँव के बईला-भैईसा, गया-गरूवामन
मया के आसु रोवत हे
हमर जतन कराईया हा
शहर मा जाके बसत हे
भुईया दाई ला छोड़के
मनखे हा शहर डहर रेगत हे
आज के लईकामन खेती-खार ल छोड़त हे
पढ़-लिख के शहरिया बाबू बने के सपना देखत हे
गाँव ला छोड़ शहर मा जाके बसत हे
नौकरी पाये के खातीर भुईया दाई ला बेचत हे
जम्मो मनखे हा शहर के सपना देखत हे
येला देख भुईया दाई करत हे गोहार
छोड़ के झन जा भैईया शहर के द्वार
हेमलाल साहू
