मुख्यमंत्री आठ फरवरी को जांजगीर-चाम्पा जिला के दौरा म रहिही

अंदाजन 413.55 करोड़ के निर्माण कार्य मन के करहीं लोकार्पण-भूमिपूजन
लगभग एक हजार परिवार मन ल देहीं आबादी जमीन के पट्टा
जाज्वल्य देव लोक महोत्सव अउ कृषि मेला के समापन समारोह म घलोक मुख्यमंत्री होही सामिल

रायपुर, 07 फरवरी 2017। मुख्यमंत्री डॉ. रमन सिंह काली 8 फरवरी को जांजगीर जिला के एक दिवसीय प्रवास के समय म जिला के जनता ल 413 करोड़ 55 लाख रूपया के 34 निर्माण कार्य के सौगात देहीं। डॉ. सिंह दोपहर 12.10 बजे जिला के ग्राम कुटराबोड़ (विकासखंड पामगढ़) म आयोजित कार्यक्रम म 31 करोड़ 88 लाख रूपया के पूरा होए 19 निर्माण कार्य मन के लोकार्पण अउ 381 करोड़ 68 लाख रूपया के नवा स्वीकृत 15 निर्माण कार्य मन के भूमिपूजन अउ शिलान्यास करहीं।

डॉ. सिंह ए मौका म उहां क्षेत्र के अंदाजन एक हजार परिवार मन ल आबादी जमीन के पट्टा घलोक बांटहीं। पहिली ले बने कार्यक्रम के अनुसार मुख्यमंत्री राजधानी रायपुर ले मंझनिया 12 बजे हेलीकाप्टर ले रवाना होके 12.10 बजे ग्राम कुटराबोड़ पहुंचहीं अउ उहां लोकार्पण अउ भूमिपूजन कार्यक्रम म सामिल होके विकास प्रदर्शनी के घलोक अवलोकन करहीं। ओ मन ए कार्यक्रम म कई ठन हितग्राही मूलक योजना मन के तहत एक हजार 818 परिवार मन ल अनुदान सामान अउ चेक घलोक बांटहीं। मुख्यमंत्री उहां ले मंझनिया 1.45 बजे ग्राम पेण्ड्री (जांजगीर) के हेलीपेड आहीं अउ मंझनिया 2.40 बजे जाज्वल्य देव लोक महोत्सव अउ एग्रीटेक कृषि मेला के तीन दिवसीय आयोजन के समापन समारोह म सामिल होहीं। मुख्यमंत्री ए कार्यक्रम के बाद संझा 3.40 बजे ग्राम पेण्ड्री पहुंचके मिनी स्टेडियम के लोकार्पण करहीं अउ उहां ले संझा 4.10बजे हेलीकाप्टर ले रायपुर बर रवाना होहीं।

डॉ. रमन सिंह जांजगीर जिला के प्रवास के समय ग्राम कुटराबोड म जऊन निर्माण कार्य के लोकार्पण करहीं ओमा साढ़े नौ करोड़ रूपया के लागत ले बने कुटरू-कोरबी पहुंच मार्ग, पांच करोड़ 80 हजार रूपया के लागत से बने मुड़पार (ब) ले सिल्ली (पामगढ़) सड़क, चार करोड़ 73 लाख रूपया के लागत से लीलागर नदी म ग्राम पीपरसत्ती (अकलतरा) तीर बने एनीकट निर्माण अउ ग्राम भड़ेसर (नवागढ़) म एक करोड़ 17 लाख के लागत से गाड़ाघाट नाला म बने स्टापडेम निर्माण काम अउ जांजगीर अउ पामगढ़ म कुल चार करोड़ 14 लाख रूपया के लागत से बने आईटीआई भवन सामिल हवय।

मुख्यमंत्री के हाथ जऊन निर्माण कार्य मन के भूमिपूजन अउ शिलान्यास होही, ओमा राष्ट्रीय राजमार्ग दर्रीघाट ले बनारी पैकेज-वन चौड़ीकरण, उन्नयन अउ फोरलेन काम, लागत 269 करोड़ 51 लाख रूपया, सक्ती विकासखण्ड म नगरदा ले बाराद्वार सड़क निर्माण काम, लागत 24 करोड़ 53 लाख रूपया, छत्तीसगढ़ विद्युत मंडल ले अउर कुल 31 करोड़ 28 लाख रूपया के लागत के चार काम-बरगांव-पामगढ़ म 132/33 केव्ही के नवा विद्युत उपकेन्द्र, कोसीर अउ मुलमला म एक-एक 33/11 केव्ही के उपकेन्द्र अउ कुथुर (नवागढ़) म 33/11 केवी के नवा विद्युत उपकेन्द्र सामिल हवय। शिवरीनारायण ले केरा मार्ग म कंजीनाला म 06 करोड़ रूपया के लागत के उच्चस्तरीय पुल के घलोक निर्माण करे जाही। मुख्यमंत्री एखर घलोक भूमिपूजन अउ शिलान्यास क‍रहीं।

मुख्यमंत्री निवास म नौ फरवरी के दिन ‘जनदर्शन’ नइ होवय
मुख्यमंत्री डॉ. रमन सिंह के रायपुर निवास म बिरसपत नौ फरवरी के दिन ‘जनदर्शन’ कार्यक्रम नइ होवय। मुख्यमंत्री नौ फरवरी के दिन ओड़िशा प्रवास म रहिहीं।