Year: 2013

रिमझिम पानी म मन मंजूर हो जाथे काबर बादर के गरजन मोला अब्बड डेरवाथे काबर ? पानी गिरथे तव ए माटी बिकट मम्हाथे काबर रिमझिम पानी ह मोर मन ल हरियाथे काबर? नोनी आही तीजा पोरा म अगोरत हावय महतारी रहि रहि के नोनी के गोड हर खजुआथे काबर? बादर आथे तव मस्त मगन होथे किसान हर तरिया हे मतलाय तभो मोर मन उजराथे काबर ? ‘शकुन’ अगोरत हे मनखे सावन अउ भादो ल धक धक धक सावन आगे मन ल धडकाथे काबर ? शकुन्तला शर्मा , भिलाई [छ ग…

आम – लीम- बर- पीपर – पहिरे छत्तीसगढ के सबो गॉंव नदिया नरवा पार म बइठे छत्तीसगढ के सबो गॉंव । धान-बौटका कहिथें सब झन किसम किसम के होथे धान हरियर – हरियर लुगरा पहिरे छत्तीसगढ के सबो गॉंव । हर पारा म सुवा ददरिया राग सुनावत रहिथे ओ संझा कन जस गीत ल गाथे छत्तीसगढ के सबो ग़ॉंव । भिनसरहा ले गॉंव के फेरी भजन- मण्डली करथे रोज देश के पोटा म लुकाय हे छत्तीसगढ के सबो गॉंव । ‘शकुन ‘ जगावव जमो गॉंव ल गॉंव म बसथे भारत…

बाबा हर सरकार ल रामलीला ले चुपे-चुप चेताइस हे जनतंत्र के महत्व ल गॉंधी के भाखा म समझाइस हे। बाबा तैं अकेला नइ अस देश तोर संग ठाढे हावय देश ह सत्याग्रह ल आज तोरेच कंठ ले गाइस हे । बाबा तैं फिकर झन कर जनता जाग गए हावय जयप्रकाश के ऑंदोलन हर आज रंग लानिस हे । राज करत – करत आज शासन हर दुस्शासन होगे मिश्र सरिख माहौल आज हमर भारत म आइस हे । ‘ शकुन ‘ जा तहूँ हर गेरुआ टोपी ल पहिर के आ जा…

रंग म बूड के फागुन आ गे बइठ पतंग सवारी म टेसू फूल धरे हे हाथ म ठाढे हावय दुवारी म । भौंरा कस ऑंखी हे वोकर आमा मौर हे पागा म मुच – मुच हॉंसत कामदेव कस ठाढे हावय दुवारी म । मन ह मन मेर गोठियावत हे बुध ह बांदी हो गे आज लाज लुकागे कहॉं कोजनी फागुन खडे दुवारी म । पिंवरा लुगरा पोलका पहिरे मंदिर जावत रहेंव मैं आज दार – भात म करा ह पर गे फागुन खडे दुवारी म । रस्ता देखत रहेंव बरिस…

आगे बादर पानी के दिन अब तो पानी – पूरा आही बीत गे बोरे – बासी के दिन दार – भात ह अब भाही। फरा अंगाकर रोटी चीला – चटनी संग सब खावत हें खेत – खार म कजरी – करमा भोजली गॉंव-गॉंव गाही । अंगना गली खोर म चिखला नोनी खेलय कोन मेरन सम्हर पखर के बादर राजा सबो झन ल नाच नचाही । संग म पानी के झिपार के गेंगरुआ परछी म आगे भौजी निच्चट छिनमिनही हे ननंद वोला अब डेरवाही । चिक्कन होगे सबके एडी ‘शकुन’ सबो…