ये भंवा के मारे रे मोर रसिया तिरछी नजरिया भंवा के मारे । सिरपुर मंदिर म भरे ल मेला तोला फोर के खबवाहूँ नरियर भेला । ये भवा के मारे … । आये ल सावन छाये ल बादर, तोर सुरता के लगायेंव आंखी म काजर । ये भवा के मारे … । : धान के कंसी गहूँ के बाली, मोर मांग में लगा दे पीरित लाली । ये भवा के मारे … ।
Read MoreMonth: July 2019
गीत : चौरा म गोंदा रसिया, मोर बारी म पताल हे
चौरा म गोंदा रसिया मोर बारी म पताल हे चौरा म गोंदा । लाली-गुलाली छींचत अइबे राजा मोर मैं रहिथंंव छेंव पारा म पूछत अइबे । चौरा म गोंदा … परछी दुवारी म ठाढेच रहिहंव राजा मोर मन महल म दियना बारेच रहिहंव । चौंरा म गोंदा … छिन-छिन तोरे बिन बरिस लागे राजा मोर मैं देखत रहूँ रद्दा तैं खिंचत आबे । चौंरा म गोंदा … : ओ मेरे रसिया ! मेरे घर में चबूतरे पर गेंदे के फूल हैं। मेरे राजा, मेरे प्रियतम! मैं लाली- गुलाली की बस्ती…
Read Moreददरिया : लागे रहिथे दिवाना, तोर बर मोर मया लागे रहिथे
लागे रहिथे दिवाना, तोर बर मोर मया लागे रहिथे । लागे रहिथे दिवानी तोर बर मोर मया लागे रहिथे । दाँते बत्तीसी नयन कजला या तोर मया के मारे होगेंव पगला । ये दिना … लागे रहिये … गहूँ पिसान के बनाये गुलगुल तोला झुलुप नई खुले कटाले बुलबुल । ये दिन… लागे रहिये …. मारे ल मछरी निकाले सेहरा या कहाँ डारे अनबोलना आगू के चेहरा ये दिना … लागे रहिये …. घरे बनाये एकेच कुरिया गा तोर मया के मारें नई जाँव दुरिहा । ये दिना … लागे…
Read Moreबसदेव गीत : भगवती सेन
सुन संगवारी मोर मितान, देस के धारन तंही परान हरावय करनी तोर महान, पेट पोसइया तंही किसान कालू बेंदरुवा खाय बीरो पान, पुछी उखनगे जरगे कान बुढवा बइला ल दे दे दान, जै गंगा… अपन देस के अजब सुराज भूखन लांघन कतको आज मुसुवा खातिर भरे अनाज कटगे नाक बेचागे लाज नीत नियाव मां गिरगे गाज बइठांगुर बर खीर सोहांरी, खरतरिहा नइ पावय मान.. जै गंगा… मंहगाई बाढ़े हर साल बेपारी होवत हें लाल अफसर सेठ उडावंय माल नीछत हें गरीब के खाल रोज बने जनता कंगाल का गोठियावंव सब…
Read Moreतोर धरती तोर माटी : पवन दीवान
तोर धरती तोर माटी रे भइय्या तोर माटी ॥ लड़ई झगरा के काहे काम जे झन बेटा ते ठन नाम हिन्दू भाई ला करंव जय राम मुस्लिम भाई ला करंव सलाम छरती बर तो सबो बरोबर, का हांथी का चांटी रे भइय्या ॥ फूले तरोई के सुंदर फुंदरा जिनगी बचाये रे टुटहा कुंदरा हमन अपन घर मां जी संगी देखव तो कइसे होगेन बसुंदरा बडे बिहिनिया ले बेनी गंथा के, धरती हा पारे हे पाटी रे भइय्या ॥ खावव जी संगवारी धान के किरिया चंदन कस चांउर पिसान के किरिया…
Read Moreचल सहर जातेन : हेमनाथ यदु
चल सहर जातेन रे भाई गांव ला छोड़ के सहर जातेन । ढकर ढकर पसिया पीके, कमई करे जाथन बइला भंइसा कस कमाथन, गांव मां दुख पाधन दुख ला हरे जातेन रे भाई ..। माड़ी भरके चिखला हावय रद्दा किचकिच लगथे माड़ी ऊपर धोती उघारत अडबड लाज लगथे चिक्कन चिक्कन रेंग तेन रे भाई .. । टिमटिम टिमटिम दिया करे, धुंगिया आँखी भरथे डर लागथे कोलिहा के बोली, हुवां हुवां जब करथे बिजली बत्ती बारतेन रे भाई .. । – हेमनाथ यदु चंदैनी गोंदा के लोकप्रिय गीत Chal Shahar Jaten
Read Moreगांव अभी दुरिहा हे : नारायणलाल परमार
तिपे चाहे भोंभरा, झन बिलमव छांव मां जाना हे हमला ते गांव अभी दुरिहा हे। कतको तुम रेंगाव गा रद्दा हा नइ सिराय कतको आवयं पडाव पांवन जस नई थिराय तइसे तुम जिनगी मां, मेहनत सन मीत बदव सुपना झन देखव गा, छांव अभी दुरिहा हे। धरती हा माता ए धरती ला सिंगारो नइ ये चिटको मुसकिल हिम्मत ला झन हारो ऊंच नीच झन करिहव धरती के बेटा तुम मइनखे ले मइनखे के नांव अभी दुरिहा हे। – नारायणलाल परमार चंदैनी गोंदा के लोकप्रिय प्रसिद्ध गीत
Read Moreवारे मोर पंडकी मैना संग लक्ष्मण मस्तूरिहा के 9 लोकप्रिय गीत
भारत मां के रतन बेटा, बढिया अंव रे (Bharat man ke ratan beta badhiya anv re) मंय छत्तीसगढिया अंब गा, मंय छत्तीसगढिया अंव रे भारत मां के रतन बेटा, बढिया अंव रे ॥ सोन उगाथंव माटी खाथंव मान ल देके हांसी पाथंव खेती खार संग मोर मितानी घाम सयारू हितवां पानी मोर इही जिनगानी मंय नंगरिहा अंव गा। किसन के बडे भइया हलधरिया अंव रे ॥ देस मया के भारत गीता दाइ ददा मोर राम अउ सीता दया मया मोर परवा छानी परके सेवा मोर सिखानी घाम पानी सहवइया मंय…
Read Moreमंय बंदत हंव दिन रात ओ
मंय बंदत हंव दिन रात ओ मोर धरती मइय्यां जय होवय तोर। मोर छइय्यां भुंइय्यां जय होवय तोर॥ सुत उठ के बड़े बिहिनिया तोरे पइय्यां लागंव सुरुज जोत मां करंव आरती गंगा पांव पखारंव फेर काया फूल चढावंब ओ मोर धरती मइय्यां….॥ तोर कोरा सब जी जंतू के घर दुवार अउ डेरा तहीं हमन के सुख दुख अउ ये जिनगी के घेरा तोर मयां मां जग दुलरावंब ओ मोर धरती मइय्यां॥ राजा परजा देवी देवता तोर कोरा म आइन जइसन सेवा करिन तोर वो तइसन फल ल पाइन तोर महिमा…
Read Moreदेखो फुलगे, चंदइनी गोंदा फुलगे
देखो फुलगे, चंदइनी गोंदा फुलगे, चंदइनी गोंदा फूलगे। एखर रंग रूप हा जिव मां, मिसरी सहीं घुरगे॥ अइसन फूलिस गोंदा चंदइनी कुछु कहे नहि जाये, बघेरा साँ फूलिस- भारत भर मां महमहाये, आंखी के आघुच आधू मां, देखो कइसे झुलगे॥ सुन संगवारी सबले आघू एक फूल टोरत हंव- सरसुती माई के मंय हां, गोड़ मां चघाथंव, जेखर दया ले मोर कंठ हा, सुवा सहीं खुलगे॥ बाँचे फूल मंय तुमला देथंव बबा, ददा अउ भाई- नानुक बाबू नोनी दुलउरिन बहिनी अउ मोर दाई तुंहर दरस ला पाके, हमर सबके भाग हा…
Read More