अतेक झन तरसा रे बदरा।

अतेक झन तरसा रे बदरा।
बने तै बरस जा रे।।

उमड़त घुमड़त के आथस तै।
कते मेर लुका जथस रे।।

किसान सबो तोर रद्दा जोहत।
बइठे मेड़ पारे म ।।

अतेक झन तरसा बादरा….

दू बरस ले तै कहा लुकाय।
ये बरस तो दरस दिखा जा रे।।

अब्बड़ सुने रेहेंव तोर सोर।
गरज गरज बरसते कयके।।

जलदी तै आजा रे बदरा।
खेत खार छलका दे रे।।

अतेक झन तरसा रे बदरा।
बने तै बरस जा रे।।

युवराज वर्मा
ग्राम – बरगडा
तह, – साजा
जिला – बेमेतरा
(छत्तीसगढ़)

[responsivevoice_button voice=”Hindi Female” buttontext=”ये रचना ला सुनव”]