छत्तीसगढ़ राज्य अल्प संख्यक आयोग के प्रतिनिधि मंडल ह मुख्यमंत्री ले करिस सौजन्य भेंट

प्रदेश म पंजाबी साहित्य अकादमी के स्थापना के घोषणा खातिर मुख्यमंत्री ल आभार

रायपुर 03 जनवरी 2017। आज संझा इहां मंत्रालय (महानदी भवन) म उकंर कार्यालय म छत्तीसगढ़ राज्य अल्प संख्यक आयोग के अध्यक्ष सुरेन्द्र सिंह केम्बों के सियानी म आयोग के प्रतिनिधि मंडल ह सौजन्य मुख्यमंत्री डॉ. रमन सिंह ले भेंट करिन। उमन छत्तीसगढ़ म पंजाबी साहित्य अकादमी के स्थापना के घोषणा अउ मुख्यमंत्री तीर्थ दर्शन योजना के अंतर्गत पटना साहिब बर तीर्थ यात्री ट्रेन के व्यवस्था खातिर मुख्यमंत्री ल आभार प्रकट करिन। प्रतिनिधि मंडल म राष्ट्रीय सिख संगत के प्रदेशाध्यक्ष इंदरवीर सिंह बत्रा, उपाध्यक्ष अवतार सिंह बागल संग विजय साहू अउ विनोद मिश्र घलव उपस्थित रहिन। आप मन ल बता दन के सोमवार दू जनवरी के दिन महिला एवं बाल विकास मंत्री श्रीमती रमशीला साहू ह हरियर झंडा देखाके पटना साहिब बर जवईया तीर्थ यात्री ट्रेन ल दुर्ग ले रवाना करे रहिन हे।