रायपुर, 22 जुलाई 2024। सूरजपुर जिला के अंतर्गत ग्राम रमेशपुर के गांव वाले मन म खुशी के लहर छाए हे, काबर के नवा ट्रांसफार्मर लगे ले पूरा रमेशपुर जगमगा उठे हे। उहां के ग्रामीण सरलग लो वोल्टेज अऊ अघोषित बिजली कटौती, बार-बार ट्रांसफार्मर के खराब हो जाय जइसे समस्या ले लंबा समय ले परेशान रहिन। इहां के किसान मन धान के बोवाई बर लगाए गे थरहा बने बरसा नइ होए के सेती सुखत जात रहिस, किसान मन के कहना रहिस के बिजली रइही त हम मोटर पंप के चा के धान के थरहा ल पानी पलो लेबो अउ सूखे ले बचा सकबो। ए सबो समस्या मन ले ग्रामवासी मन ह महिला अउ बाल विकास मंत्री श्रीमती लक्ष्मी राजवाड़े ल अवगत कराइन।
मंत्री श्रीमती राजवाड़े ह किसान अऊ ग्रामवासी मन के समस्या ल गंभीरता ले लेत बिजली विभाग के अधिकारी मन ल नवा ट्रांसफार्मर लगाय के हुकुम दीन। मंत्री के हुकुम के 24 घंटा के भीतरेच तुरंते नवा ट्रांसफार्मर लगाए गीस। नवा ट्रांसफार्मर के लगे ले गांव म खुशी व्याप्त हे अऊ जम्मो ग्रामसी मन ह मंत्री श्रीमती राजवाड़े के आभार व्यक्त करे हें।
