रायपुर। 153 इन्फैंट्री बटालियन पैदल वाहिनी (प्रादेशिक सेना) डोगरा मं भर्ती के आयोजन 08 फरवरी ले 14 फरवरी 2017 तक नवा रायपुर (छत्तीसगढ) मं आयोजित करे जाही। राज्य के इच्छुक अभ्यर्थि मन ल, 08 अउर 09 फरवरी 2017 को अपन जम्मो कागद मन के संग नवा रायपुर के राज्योत्सव स्थल म शारिरिक मापदण्ड, मेडिकल परिक्षण अउर साक्षात्कार बर मुंधरहा 5 बजे तक उपस्थित होना होही।
जिला रोजगार अधिकारी हर बताइस कि सिपाही सामान्य ड्यूटी पद बर 45 प्रतिशत संग सबो विसय मं 33 प्रतिशत अंक के संग 10वीं अउ सिपाही लिपिक स्टॉफ ड्यूटी पद बर 50 प्रतिशत अउर सबो विसय मं 40 प्रतिशत मं अंकों के संग 12 वीं कक्षा उत्तीर्ण होना चाही, संगे-संग कम्प्यूटर अउर टंकण के ज्ञान रखइया अभ्यर्थि मन ल वरीयता दे जाही। आयु 18 से 42 साल, कद 160 से.मी., वजन 50 कि.ग्रा. अउ छाती 77/82 से.मी. होना चाही। शारीरिक परीक्षण दौड़ 1600 मीटर, बीम, जिग जैग बैलेन्स अउ 09 फीट गड्डा पास करना अनिवार्य हे। अभ्यर्थी के शरीर के उपर गोदना (टैटू) जऊन कि शारीरिक प्रषिक्षण वाले वर्दी पहिरे म दिखाई देवत होवे, भर्ती बर स्वीकार्य नइ होवे। भर्ती रैली मं अभ्यर्थि मन ल अपन जम्मो असली प्रमाण पत्र के छायाप्रति 02 सेट के संग, राजपत्रित अधिकारी ले अभिप्रमाणित करके लाना अनिवार्य होही। सक्षम अधिकारी ले जारी जन्म प्रमाण-पत्र या 10वीं के अंकसूची मं जन्म तारीक के उल्लेख होना अनिवार्य हे। छत्तीसगढ़ के असली निवास प्रमाण पत्र पेन कार्ड या आधार कार्ड, सक्षम अधिकारी ले जारी जाति प्रमाण-पत्र, चरित्र प्रमाण पत्र, 10वीं व 12वीं या समकक्ष प्रमाण-पत्र होना अनिवार्य हे। इही प्रकार विवाह प्रमाण-पत्र, अभ्यर्थी के खुद के 20 नग कलर फोटो, खेल अउ अतिरिक्त प्रमाण-पत्र लेके उपस्थित होना होही। आवेदक ए संबंध मं जादा जानकारी बर जिला रोजगार अउ स्वरोजगार मार्गदर्शन केद्र रायपुर या अपन गृह जिला के रोजगार कार्यालय मं संपर्क कर सकत हे।