- आवास मेला म 2900 परिवार ल मकान स्वीकृति पत्र
रायपुर, 16 फरवरी 2017। मुख्यमंत्री डॉ. रमन सिंह ह आज मंझनिया बिलासपुर जिला के ग्राम पीपरतराई (विकासखण्ड-कोटा) मं आयोजित जिला स्तरीय विशाल आवास मेला मं 2900 परिवार ल प्रधानमंत्री (ग्रामीण) आवास योजना के तहत मकान स्वीकृति पत्र के वितरण करिन डॉ. सिंह ह उहां अंदाजन 73 करोड़ 45 लाख रुपया के 35 ठन निर्माण कार्य के लोकार्पण, भूमिपूजन अऊ शिलान्यास करिन। मुख्यमंत्री के संग कार्यक्रम मं पंचायत अऊ ग्रामीण विकास मंत्री श्री अजय चंद्राकर, वाणिज्य अऊ उद्योग मंत्री श्री अमर अग्रवाल, लोक सभा सांसद श्री लखन लाल साहू, खाद्य मंत्री श्री पुन्नूलाल मोहले, संसदीय सचिव सर्वश्री राजू सिंह क्षत्री अऊ तोखन साहू, पूर्व विधानसभा अध्यक्ष श्री धरमलाल कौशिक, छत्तीसगढ़ गृह निर्माण मंडल के अध्यक्ष श्री भूपेन्द्र सवन्नी संग बहुत अकन वरिष्ठ जनप्रतिनिधि घलोक उपस्थित रहिन। मुख्यमंत्री हर उहां एक विशाल जनसभा ल घलोक सम्बोधित करिन। उमन समाज कल्याण विभाग के योजना मन के तहत् 16 हितग्राहि मन ल एक लाख 24 हजार रुपए मूल्य के कई ठन सहायक उपकरण, कृषि विभाग ले किसान मन बर मृदा स्वास्थ्य कार्ड अऊ एक लाख 45 हजार से ज्यादा कीमत के स्प्रिंकल सेट, हस्तचलित स्प्रेयर वितरित करिन। डॉ. सिंह हर सरस्वती साइकिल योजना के तहत हाई स्कूल कक्षा के बालिका मन ल निःशुल्क साइकिल अऊ कॉलेज स्तर के बालिका मन ल निःशुल्क लेपटाप भेंट करके शुभकामनाएं दीन।
