कोरिया 22 जुलाई 2024। चर्च ऑफ गॉड वर्ल्ड मिशन सोसाइटी ह कोरिया के जिला अस्पताल के ब्लड बैंक म ‘जीवन साझा’ के तहत रक्तदान शिविर के आयोजन करिस। ए मानवीय सेवा के अभियान म हर आयु वर्ग के मनखे बढ़-चढ़के सामिल होइन अऊ 28 मनखे मन ह रक्तदान करिन। उमन दूसर मन ल घलोक रक्तदान बर प्रेरित करे के संकल्प लीन।
मुख्य चिकित्सा अउ स्वास्थ्य अधिकारी डॉ. आर.एस. सेंगर ह ए बेरा म चर्च ऑफ गॉड वर्ल्ड मिशन सोसाइटी के काम ल सहराईन। उमन कहिन, रक्तदान एक नेक काम हे जऊन मरीज मन के जान बचाय म महत्वपूर्ण भूमिका निभाथे। रक्तदान ले शरीर म कोनो कमजोरी नइ आवय अऊ ये आन संस्था मन बर प्रेरणा के स्रोत बनथे।
