जांजगीर-चांपा : ग्रामीण बेरोजगार मन ल डेयरी काम मं मिलही छह दिन के निःशुल्क आवासीय प्रशिक्षण

जांजगीर-चांपा। भारतीय स्टेट बैंक ग्रामीण स्वरोजगार प्रशिक्षण संस्थान जांजगीर मं ग्रामीण बीपीएल कुटुंब के बेरोजगार मन बर 6 दिन के आवासीय डेयरी प्रशिक्षण कार्यक्रम शुरू करे गए हे। डेयरी मं प्रशिक्षण बर चुने लोगन मन के प्रशिक्षण कार्यक्रम अवइया 06 फरवरी ले जिला पंचायत परिसर, पर्यावरण भवन मं स्थित एसबीआई ग्रामीण स्वरोजगार प्रशिक्षण संस्थान मं रखे गए हे।
प्रशिक्षण के बेरा रहई अऊ खवई के निःशुल्क व्यवस्था होही। जिला के बीपीएल कुटुंब के सदस्य ही प्रशिक्षण के पात्र होही। गरीब कुटुंब बर ग्राम सभा के अनुमोदित सूची ल मान्य करे जाही। आवेदक के आयु 18 साल ले 45 साल के बीच होना चाहिये। आवेदन के संग पासपोर्ट साईज के तीन फोटो अउ एक टिकिट साईज के फोटो संगे-संग पहिचान पत्र लेके आवेदक उपस्थित हो सकत हे।