रायपुर, प्रादेशिक सेना के 120 पैदल वाहिनी बिहार के भर्ती रैली के आयोजन आगामी 20 फरवरी ले 25 फरवरी तक नवा रायपुर (छत्तीसगढ) मं आयोजित करे जाही। राज्य के इच्छुक अभ्यर्थि मन ल 20 फरवरी ल अपन समस्त कागद मन के संग नवा रायपुर के राज्योत्सव स्थल म शारिरिक मापदण्ड, मेडिकल परिक्षण अउ साक्षात्कार बर बिहनिया 6 बजे ले 11 बजे तक उपस्थित होना होही।
जिला रोजगार अधिकारी हर बताये हे कि सिपाही सामान्य ड्यूटी पद बर 45 प्रतिशत अउ जम्मो विसय मं 33 प्रतिशत मं अंक के संग 10वीं उत्तीर्ण, सिपाही ट्रेडमेन कुक ड्यूटी पद बर 10 वीं कक्षा उत्तीर्ण अउ धार्मिक गुरू (जे.से.ओ.) ड्यूटी पद बर कोनो मान्यता प्राप्त संस्था ले स्नातक के संग माध्यम संस्कृत, हिन्दी अउ अपन राजकीय भाखा म उत्तीर्ण मनखे भर्ती रैली मं सामिल हो सकत हे। आवेदक के आयु 18 से 42 साल, कद 160 से.मी., वजन 50 कि.ग्रा. अउ छाती 77/82 से.मी. होना चाही। शारीरिक परीक्षण दौड़ एक मील, बीम, जिग जैग बैलेन्स अउ 09 फीट गड्डा पास करना अनिवार्य हावे। अभ्यर्थी के शरीर के उपर गोदना (टैटू) जऊन कि शारीरिक प्रशिक्षण वाले वर्दी पहिरे म दिखाई देवत हो भर्ती बर स्वीकार्य नइ हे। भर्ती रैली मं अभ्यर्थि मन ल अपन समस्त असली प्रमाण पत्र के छायाप्रति 02 सेट के संग अउ राजपत्रित अधिकारी ले अभिप्रमाणित होना अनिवार्य हावे। सक्षम अधिकारी ले जारी जन्म प्रमाण-पत्र अथवा 10वीं के अंकसूची मं जन्म तारीक के उल्लेख होना अनिवार्य हावे। छत्तीसगढ़ के मूल निवास प्रमाण पत्र, पेन कार्ड या आधार कार्ड, सक्षम अधिकारी ले जारी जाति प्रमाण-पत्र, चरित्र प्रमाण पत्र, 10वीं व 12वीं या समकक्ष प्रमाण-पत्र होना अनिवार्य हे। एही प्रकार ले विवाह प्रमाण-पत्र, अभ्यर्थी के खुद के 20 नग कलर पासपोर्ट फोटो, खेल अउ अतिरिक्त प्रमाण-पत्र लेके उपस्थित होना होही। आवेदक ए संबंध मं जादा जानकारी बर जिला रोजगार अउ स्वरोजगार मार्गदर्षन केन्द्र रायपुर या अपन गृह जिला के रोजगार कार्यालय मं संपर्क कर सकत हे।