महासमुंद। भारत सरकार विज्ञान अऊ प्रौद्यौगिकी मंत्रालय नवा दिल्ली के अनुसार इंस्पासर अवार्ड योजना ल संशोधित कर इंस्पायर अवार्ड मानक के नाम से क्रियावन्यन के निर्णय ले गए हे, सत्र 2016-17 म सब्बो विद्यालय ले ऑनलाइन प्रस्ताव भेजे के आखरी तारीक 28 फरवरी तक निरधारित करे गए हे। जिला शिक्षा अधिकारी हर बताइस कि शासकीय, अनुदान प्राप्त,अशासकीय विद्यालय मन मं कक्षा 6वीं ले 10वीं अध्ययनरत् 10 ले 15 साल आयु वर्ग के विद्यार्थि मन के ऑनलाइन प्रस्ताव भेजना हे। प्रधान पाठक, प्राचार्य मन ले विद्यालय स्तर म प्रतियोगिता आयोजित करके चुने गए श्रेष़्ठ मॉडल के ऑनलाइन प्रस्ताव भेजे जाही। विद्यार्थि मन के ऑनलाइन रजिस्ट्रेशन करे बर छात्र, छात्रा मन के विचार, प्रोजेक्ट, नवप्रवर्तन मं ओखर, नाम, उम्र, कक्षा स्कूल के नाम अउ पता, घर के पता, मोबाईल नंबर, नवप्रवर्तन के सीरसक, पूरा विवरण, रेखाचित्र, छायाचित्र, नवप्रवर्तन विद्यार्थि मन के संबंध मं एक सादा घोषणा पत्र जेमां ये बताए होवय कि ये छात्र के मौलिक विचार आय। संगे-संग विद्यार्थी के विचार, मॉडल, प्रोजेक्ट के सम्बन्ध मं 100-200 शब्दों मं (कम से कम 2 पेज) भारत सरकार के वेब पोर्टल (E-management of inspire award scheme) म रजिस्ट्रेशन प्रधान पाठक/प्राचार्य मन ले करे जाही। ऑनलाइन रजिस्ट्रेशन के पाछू एन आई एफ के चयन होतेच 5000 रूपया विद्यार्थि मन के खाता मं जारी कर दे जाही। राष्ट्रीय स्तरीय प्रदर्शनी म चयन हो जाय म विद्यार्थी के मॉडल ल परिष्कृत करे बर 20,000 रूपया के राशि प्रदान करे जाही संगे-संग चुने गए विद्यार्थी नजदीक के कोनो तकनीकी संस्थान मं रहिके उहाँ के विशेषज्ञ मन ले सुझाव प्राप्त कर सकहीं। इंस्पायर अवार्ड मानक के अंतर्गत केवल लाइक मन के गुणवत्तापूर्ण मौलिक विचार/प्रोटोटाइप/मॉडल ल स्वीकार करे जाही। ए सम्बंध मं शिक्षक वेब साईट http://www.inspireawards-dst.gov.in/user/inspire-downloads.aspx ले जानकारी प्राप्त करके विद्यार्थि मन ल दिशा निर्देश दे सकत हें। विकासखण्ड स्तर म फरवरी महिना के पहिली हफ्ता म कार्यशाला के प्रस्तावित हे। इंस्पायर अवार्ड मानक के क्रियान्वयन बर विकासखण्ड स्तर म सहायक विकासखण्ड शिक्षा अधिकारी ल नोडल अधिकारी नियुक्त करे गए हे।