आज नारी हर महान होगे

बेटी बचाव, बेटी पढ़ाव के नारा हर, सिरतोन होगे,
आज नारी हर महान होगे.
आज नारी हर महान होगे…….

मुधरहा ले भिनसरहा, भिनसरहा ले अंजोर होगे,
हमर छत्तीसगढ़िया बहनी मन, सबले बढ़िया होगे.

आज नारी हर महान होगे…

घर, गंवई -गांव म नवा अंजोर होगे,
पढ़ई-लिखई म बहु-बेटी मन सबले आगू होगे.

आज नारी हर महान होगे…..

नारी-परानी के कलम हर, आज हथियार होगे,
शिक्षा के हथियार ले, सही नियाव होगे.

आज नारी हर महान होगे….

इही जुग अब नारी सशस्क्तिकरन के होगे,
घर, समाज अउ देस म, आज नारी हर महान होगे.

आज नारी हर महान होगे….

दुनिया बदल जाही आज, नारी सशक्त होगे,
डंका बजा जाही, प्रेम, तियागअउ बलिदान के.

आज नारी हर महान होगे….

अत्याचारी मटिया मेट हो जाही, दुर्गा काली के अवतार ले,
मंगल कामना ले भर जाही, जन-जन के हिदय म.

आज नारी हर महान होगे ,
बेटी बचाव, बेटी पढ़व के नारा हर सिरतोन होगे ,
आज नारी हर महान होगे…..

डॉ. जयभारती चन्द्राकर
प्राचार्य
सिविल लाईन गरियाबंद छ.ग.
मोबाइल न. 9424234098