- मुख्यमंत्री ह ’इसरो’ के वैज्ञानिक मन ल दीन बधाई
- एक संग 104 भू-उपग्रह मन के सफल प्रक्षेपण के नवा कीर्तिमान
रायपुर, छत्तीसगढ़ के मुख्यमंत्री डॉ. रमन सिंह ह आज भारतीय अंतरिक्ष अनुसंधान संस्थान (इसरो) ले मानव निर्मित 104 दूरसंवेदी भू-उपग्रह मन के एक संग प्रक्षेपण बर प्रसन्नता व्यक्त करिन। डॉ. सिंह ह एला भारतीय वैज्ञानिक मन के एक महान अऊ ऐतिहासिक उपलब्धि बतात कहिन कि हमार अंतरिक्ष वैज्ञानिक मन अपन विलक्षण प्रतिभा ले विज्ञान जगत मं देश के नाम रौशन करे हें। डॉ. सिंह हर ककहिन के एक संग 104 भू-उपग्रह मन के अंतरिक्ष मं सफलतापूर्वक प्रक्षेपण भारतीय अंतरिक्ष विज्ञान के इतिहास मं एक नवा कीर्तिमान के रूप मं सोनहा अक्षर मं दर्ज करे जाही। मुख्यमंत्री ह ए महत्वपूर्ण परियोजना मं लगे भारतीय अंतरिक्ष अनुसंधान संगठन (इसरो) के जम्मो वैज्ञानिक मन ल बधाई अऊ शुभकामना दीन। उल्लेखनीय हे कि इसरो के प्रक्षेपण यान-पीएसएलव्ही ह आज बिहनिया श्रीहरिकोटा स्थित अपन अंतरिक्ष केन्द्र ले एक संग 104 भू-उपग्रह मन ल प्रक्षेपित करके एक नवा इतिहास बनाइस।
