हरियर हरियर खेतहार हे ,
धान ह लहलहावत हे ।
सुघ्घर बाली निकले हाबे,
सब झन माथ नवावत हे ।
सोना जइसे सुघ्घर बाली ,
हवा में लहरावत हे ।
अपन मेहनत देखके सब झन ,
मने मन मुसकावत हे ।
मेहनत के फल मीठा होथे ,
‘माटी’ गाना गावत हे ।
धान ल अब लुए खातिर ,
हंसीया धरके जावत हे ।
सबो संगवारी हांस हांस के,
ठाड़ ददरिया गावत हे ।
करपा ल अब बांध बांध के ,
बियारा कोठार में लावत हे ।
महेन्द्र देवांगन “माटी”
गोपीबंद पारा पंडरिया
जिला – कबीरधाम (छ. ग )
8602407353
[responsivevoice_button voice=”Hindi Female” buttontext=”ये रचना ला सुनव”]
