- संगम म स्नान बर साफ पानी के बहाव शुरू
- साधु-संत मन के असीस लेके विधानसभा अध्यक्ष गौरीशंकर अग्रवाल करहीं शुभारंभ
रायपुर, 09 फरवरी 2017। छत्तीसगढ़ के प्रयागराज राजिम के त्रिवेणी संगम ह काली 10 फरवरी ले 24 फरवरी तक आयोजित होवइया राजिम महाकुंभ कल्प बर सजधज के तियार हो गए हे। श्रद्धालु मन के पुण्य स्नान बर संगम म साफ पानी बोहाए लगे हे। रात म बिजली के प्रकास मं त्रिवेणी संगम के नजारा अड़बड़ सुघ्घर दिखत हे। साधु-संत मन के सानिध्य मं 10 फरवरी के शाम 7 बजे राजीवलोचन मंदिर के तीर मुख्य मंच म राजिम महाकुंभ 2017 के शुभारंभ-समारोह आयोजित करे जाही। छत्तीसगढ़ विधानसभा के अध्यक्ष श्री गौरीशंकर अग्रवाल शुभारंभ-समारोह के मुख्य अतिथि हें। धार्मिक न्यास अउ धर्मस्व मंत्री श्री बृजमोहन अग्रवाल ये कार्यक्रम के अध्यक्षता करहीं।
शुभारंभ-समारोह मं परमपूज्य श्री सुधांशु जी महाराज नईदिल्ली, महंत साध्वी प्रज्ञा भारती संरक्षक वेदरतन सेवा प्रकल्प, महामंडलेश्वर श्री प्रेमानंद जी महाराज सन्यास आश्रम मुम्बई, बाल योगेश्वर श्री रामबालक दास जी महाराज डौंडीलोहारा, संत श्री ज्ञानस्वरूपानंद अक्रिय जी महाराज जोधपुर, महंत श्री रामसुंदरदास, अध्यक्ष राजीवलोचन मंदिर ट्रस्ट, आचार्य महंत श्री जालेश्वर जी महाराज अयोध्या, संत श्री युधिष्ठिर लाल जी महाराज, शदाणी दरबार रायपुर अउर महामंडलेश्वर श्री गोवर्धन शरण जी महाराज, सिरकट्टी आश्रम के पावन उपस्थिति रहिही।
पर्यटन अउ संस्कृति मंत्री श्री दयालदास बघेल, पंचायत अउ ग्रामीण विकास मंत्री श्री अजय चन्द्राकर, खाद्य मंत्री श्री पुन्नूलाल मोहले, महिला अउ बाल विकास मंत्री श्रीमती रमशीला साहू, लोकसभा सांसद द्वय श्री रमेश बैस, श्री चंदूलाल साहू, संसदीय सचिव द्वय श्री तोखन साहू, श्री गोवर्धन मांझी, छत्तीसगढ़ पर्यटन मंडल के अध्यक्ष श्री संतोष बाफना, छत्तीसगढ़ राज्य वित्त आयोग के अध्यक्ष श्री चन्द्रशेखर साहू, अपेक्स बैंक के अध्यक्ष श्री अशोक बजाज, विधायक अभनपुर श्री धनेन्द्र साहू , विधायक राजिम श्री संतोष उपाध्याय, उपाध्यक्ष छत्तीसगढ़ पर्यटन मंडल श्री केदार गुप्ता, छत्तीसगढ़ शासन के पहिली मंत्री श्री अमितेश शुक्ल, जिला पंचायत गरियाबंद के अध्यक्ष श्रीमती श्वेता शर्मा, जिला पंचायत धमतरी के अध्यक्ष श्री रघुनंदन साहू, जिला पंचायत रायपुर के अध्यक्ष श्रीमती शारदा वर्मा, नगरपालिका परिषद गोबरा-नवापारा के अध्यक्ष श्री विजय गोयल, नगर पंचायत राजिम के अध्यक्ष श्री पवन सोनकर, जनपद पंचायत फिंगेश्वर के अध्यक्ष श्री जितेंद्र साहू , जनपद पंचायत मगरलोड के अध्यक्ष श्रीमती निरूपा दाऊ अउ जनपद पंचायत अभनपुर के अध्यक्ष श्री खेमराज कोसले संग साधु संत ए समारोह मं विशेष रूप ले उपस्थित रहिहीं।