पंचायत मंत्री अजय चन्द्राकर ह ‘कार्टूनों में अटल जी’ पुस्तक के करिस विमोचन

पंचायत एवं ग्रामीण विकास मंत्री अजय चन्द्राकर ह अपन निवास कार्यालय म प्रो. शिवानंद कामड़े के लिखे पुस्तक ‘कार्टूनों में अटल जी’ के विमोचन करिस। ये मौका म कामड़े ह चन्द्राकर जी ल स्वच्छता अभियान उपर आधारित पुस्तक ‘स्वच्छता अभियान’ भेंट करिन। कामड़े ह चन्द्राकर जी ल बताईन के ये उंखर 57वां पुस्तक आए। भारत रत्न ले सम्मानित पूर्व प्रधानमंत्री श्री अटल बिहारी वाजपेयी के 92वां जन्म दिन म काली 25 दिसम्बर के दिन ल छत्तीसगढ़ सरकार ह सुशासन दिवस के रूप में मनाइस। इही कड़ी म ये पुस्तक वैभाव प्रकाशन ले प्रकाशित करे गउ हे। कामड़े साहित्य, कला, कार्टून अउ पत्रकारिता म विगत तीनसाल ले अपन विशिष्ट प्रतिभा के सृजन कररत हवंय। कामड़े चार पईत राष्ट्रीय पुरस्कार अउ कतकोन पईत राज्य अलंकरण ले सम्मानित हो गए हें। ये अवसर म लेखक अउ साहित्यकार डॉ. सुशील त्रिवेदी, गिरिश पंकज, डॉ. सुधीर शर्मा, श्रीमती भावना कामड़े अउ गोपाल सोलंकी उपस्थित रहिन।