Categories
गीत

उरमाल म मयारू तोर मुंह ल पोंछव उरमाल म

उरमाल म मयारू (गजामूंग) तोर मुंह ल पोंछव उरमाल म,
उरमाल म ग बईहा तोर मुंह ल पोछवं उरमाल म।

अमली फरे कोका-कोका जामुन फरे करिया ओ
चल दूनो झन संगे जाबो तरिया।
उरमाल म …

आम गाँव जामगांव तेंदू के बठेना
तोर बर लानेंव मय चना-फूटेना ।
उरमाल म …

हाट गेंव बजार गेव उहाँ ले लानेव तारा,
पूछत पूछत, आबे बही तैं हा टिकरीपारा ।
उरमाल म …

खीरा खाले केकरी खाले अऊ खाले जोंधरा,
चल बही दूनों देखबो दूधमोंगरा।
उरमाल म …