Year: 2011

सुरूर-सुरूर हवा चलय, कांपय हाड़ चाम। अब्बड़ सुहाथे संगी, जाड़ के घाम॥ गोरसी के आगी ह रतिहा के हे संगी। ओढ़ना-जठना, गरीबहा बर तंगी॥ भुर्री अउ अंगेठा, अब सपना होगे भाई। लकड़ी अउ छेना बर, नई पुरय कमई॥ गरीबहा बर बदे हे, बिपत के नाम। अब्बड सुहाथे संगी, जाड़ के घाम॥ अंगाकर रोटी ल, चटनी के संग खाले। लाली चहा ल पी ले, गोठिया बता ले॥ पिड़हा म बइठ, अंगना म थोरिक। घाम ह लागय, रुस-रुस बड़ नीक॥ कुरिया अउ घर म नइए गा आराम। अब्बड़ सुहाथे संगी, जाड़ के…

सावधान, बचके रहहू गा, साधू भेस म सैतान सिरी। चन्दन, दाढ़ी, जोगी बाना, चलावत हावयं बाबागिरी॥ बड़े-बड़े आसरम हे इंखर। चेली-चेली, कुकरम हे इंखर॥ सोना-चांदी, धन, दौलत हे। हवई जिहाज, कार दउड़त हे॥ माल-मलीदा, सान अउ सौकत, सबो मिलत हे फिरी। चन्दन, दाढ़ी, जोगी बाना, चलावत हावयं बाबगिरी॥ दिन म कीरतन, परबचन, बड़े-बड़े पंडाल। रतिहा दारू, बियर, मटन हे, झूमरत हे चंडाल॥ नाचयं आजू-बाजू सुग्घर टुरी जवान। पाप करम ल देख-देखके, अचंभा हे भगवान॥ पाप म्यूजिक म गावत हें ये वन, टू, थिरी। चन्दन, दाढ़ी, जोगी बाना, चलावत हावयं बाबगिरी॥…